आज नवनियुक्त गभर्नर अधिकारीले शपथ लिँदै

२५ चैत्र, काठमाडौं । नेपाल राष्ट्र बैंकका नवनियुक्त गभर्नर महाप्रसाद अधिकारीले मंगलबार शपथ लिने भएका छन् । उनले प्रधानन्यायाधीश चोलेन्द्रशम्सेर राणा समक्ष आज साढे ११ बजेमा शपथ लिने कार्यक्रम रहेको छ ।

शपथलिएलगत्तै अधिकारीले राष्ट्र बैंकको केन्द्रीय कार्यालय पुगेर पदभार ग्रहण गर्ने बताइएको छ । चिरञ्जिवी नेपालको चैत ५ मा कार्यकाल सकिएपछि गभर्नर पद रिक्त रहेको थियो ।

त्यसयता अर्थमन्त्रीको नेतृत्वमा बनेको गभर्नर सिफारिस समितिले अधिकारीसहित पूर्वसचिव राजन खनाल र वरिष्ठ डेपुटी गभर्नर चिन्तामणी शिवाकोटीको नाम अघि सारिएको थियो । जसमा अधिकारीको नाम सोमबार बसेको मन्त्रिपरिषद् बैठकले निर्णय गरेको थियो ।