यशोदादेवी भगवानसिंह केसी ट्रष्टद्वारा स्वास्थ्य सामग्री वितरण

२६ चैत्र, नुवाकोट । ०४६ सालको ऐतिहासिक जनआन्दोलन दिवसको अवसर पारेर नेपाली कांग्रेसका नेता अर्जुन नरसिंह केसीले आफ्ना मातापिताको नाममा स्थापित सामाजिक संस्थामार्फत आज नुवाकोटमा कोरोना भाइरसका नियन्त्रणमा अत्यावश्यक स्वास्थ्य सामग्री वितरण गरेको छ ।

यशोदादेवी भगवानसिंह केसी मेमोरियल ट्रष्टले कोरोना उपचारमा संलग्न स्वास्थकर्मीहरुका लागि सुरक्षा सामग्री उपलव्ध गराएको हो । त्रिशुलीमा आज आयोजित कार्यक्रममा ट्रष्टका तर्फबाट संरक्षक तथा जेष्ठ सुपुत्र अर्जुननरसिंह केसीले उक्त स्वास्थ्य सामग्री हस्तान्तरण गरेका हुन् ।

नुवाकोट जिल्ला समन्वय समिति प्रमुख सन्तमान तामाङ र प्रमुख जिल्ला अधिकारी द्रोण पोखरेलको उपस्थितिमा ट्रष्टका तर्फबाट जिल्ला जनस्वास्थ कार्यालयका प्रमुख सागर पी घिमिरे र त्रिशुली अस्पतालका प्रमुख रेमकुमार राईलाई सो सामग्री हस्तान्तरण गरिएको हो । ट्रष्टका तर्फबाट अध्यक्ष डा. केदारनरसिंह केसी र महासचिव जगदीश्वरनरसिंह केसीसमेतको सहभागितामा सामग्री हस्तान्तरण गरिएको थियो ।

ट्रष्टका तर्फबाट आज हस्तान्तरण गरिएका स्वास्थ्य सामग्रीमा ८८ सेट पीपीई, ६ सय थान ग्लोब, पाँच हजार पीस सर्जिकल मास्क र एकहजार दुईसय थान सेनिटाइजर रहेका छन् । यसरी वितरण गरिएको सामग्री जिल्लाका सबै अस्पताल, प्राथमिक स्वास्थ्य उपचार केन्द्र, स्वास्थ्य चौकी र उपस्वास्थ्य चौकी, सबै गाउँपालिका तथा दुईवटा नगरपालिकालाई चार चार सयका दरले पुग्ने गरि मास्क वितरण गरिएकाे हाे । पीपीई भने सबै स्वास्थ्य चाैकीलाई एकएक थान पुग्ने गरि अन्य स्वास्थ्य सामाग्री बाडिएकाे छ ।

यसैगरी ट्रष्टले कोरोना नियन्त्रणका लागि फ्रण्टलाइनमा बसेर काम गर्ने सुरक्षाकर्मी, पत्रकार र मजदूरहरुका लागि आवश्यक मास्क र सेनिटाइजर पनि वितरण गरेको छ । साथै पीपीई खरिद गर्न सहयोग गर्ने हाल क्यालिफोर्निया बस्ने धनन्जय नरसिंह केसी र मदानपुर निवासी कृस्ण पाण्डेलाई हार्दिक धन्यवाद दिइएकाे छ ।