बिहानै लकडाउन उल्लङ्घन गर्ने ६ सय ६० जना नियन्त्रणमा

२७ चैत्र, काठमाडौं । बिहाबार बिहान काठमाडौं उपत्यकाबाट लकडाउन उल्लङ्घन गर्ने ६ सय ६० जनालाई प्रहरीले नियन्त्रणमा लिइएको छ ।

प्रहरीले आज बिहानै काठमाडौंबाट पाँच सय १३ जना र ललितपुरबाट एक सय ४७ जना गरी ६ सय ६० जनालाई नियन्त्रणमा लिइएको हो । उनीहरुलाई अत्यावश्यक बाहेकका कामका लागि हिँडेको पाइए प्रहरीले केही बेर ‘होल्ड’ गर्ने राख्ने गरेको छ ।

विश्वव्यापी रुपमा फैलिएको कोरोना भाइरस ‘कोभिड-१९’ को सङ्क्रमण रोकथामका लागि सरकारले लकडाउन घोषणा गरेको छ ।

सरकारले लकडाउनको पूर्णरुपमा पालना गर्न पनि आग्रह गर्दै आइरहेको छ । गएको मङ्गलबार देशवासीलाई सम्बोधन गर्दै भाइरसको सङ्क्रमणको लागि लकडाउनको विकल्प नभएको बताएका छन् ।