भोलि र पर्सि गाँउ फर्किन दिने सरकारको निर्णय

२७ चैत, काठमाडौं । लगातारको लकडाउनबाट आजित भएकाहरुका लागि खुशीको खबर आएको छ । विभिन्न कारणले उपत्यका काठमाडौं बाहिर जान रोकिएका वा गाँउघर जानबाट बञ्चितहरु भोलि चैत्र २८ र २९ गते आआफ्नो गन्तव्यतर्फ जान पाउने भएका छन् ।

उपप्रधान तथा रक्षामन्त्री ईश्वर पोखरेलको नेतृत्वमा आज बसेको उच्चस्तरिय समितिको बैठकले भोलि र पर्सि काठमाडौं बाहिर जान दिने निर्णय गरेको हो ।

११ चैतबाट लागू भएको लकडाउन लम्बिएपछि कतिपय मानिसहरु हिँडेरै गाउँ फर्किन थालेका थिए । विद्यार्थी तथा अनौपचारिक क्षेत्रमा काम गर्नेहरु आआफ्नो गाउँ फर्किन चाहेका थिए ।

तर उपत्यका बाहिरबाट काठमाडौं आउन भने नदिइने भएको छ । यस निर्णयबाट लकडाउन अझै लम्बिने संकेत मिलेको छ । सरकारले किस्ताबन्दीमा लकडाउन गर्दै आएको छ ।