बिहानै पाँच सयभन्दा धेरै कारबाहीमा

२८ चैत्र, काठमाडौं । ट्राफिक प्रहरीले उपत्यकामा शुक्रबार बिहानै पाँच सयभन्दा धेरै कारबाहीमा परेको जनाएको छ ।कोरोना भाइरस ‘कोभिड १९’ रोकथाम तथा नियन्त्रणका लागि सरकारले घोषणा गरेको ‘लकडाउन’को उल्लङ्घन गरी हिँडेका पाँच सय ६७ जनालाई प्रहरीले ‘होल्ड’ गरेको हो ।

लकडाउनका बेला अत्यावश्यक काम बाहेकका लागि घरबाहिर निस्कन नहुने भएकाले बाहिर निस्किएकाहरुलाई प्रहरीले कारबाही गरेको गरेको हो ।

आउँदो वैशाख ३ गतेसम्मका लागि सरकारले लकडाउन घोषणा गरेको हो । लकडाउनको विकल्प नभएकोले पूर्ण रुपमा पालना गर्न सरकारले आग्रह गर्दै आएको छ ।