प्रधानमन्त्रीका परराष्ट्र मामिला सल्लाहकार अस्पताल भर्ना

२८ चैत्र, काठमाडौं । प्रधानमन्त्री केपी शर्मा ओलीका परराष्ट्र मामिला सल्लाहकार तथा नेकपा नेता डा.राजन भट्टराई अस्पतालमा भर्ना भएका छन् ।

शुक्रबार राती मुटुमा अचानक समस्या आएपछि महाराजगन्जस्थित गंगालाल हृदयरोग केन्द्रमा भट्टराईलाई भर्ना गरिएको छ । मुटुको भल्भमा समस्या भएपछि उनको शल्यक्रिया गरिएको छ । शल्यक्रियापछि उनको अवस्था सामान्य भइसकेको पारिवारिक स्रोतले जनाएको छ ।

उनको दायाँतर्फको कोरोनरी आर्टरीको प्राइमरी एन्जिओप्लास्टी गरिएको र अहिले अवस्था सामान्य रहेको अस्पतालले जनाएको छ । भट्टराईको स्वास्थ्य अवस्थाबारे जानकारी लिन शनिबार बिहानै स्वास्थ्यमन्त्री भानुभक्त ढकालसहित प्रधानमन्त्रीका सल्लाहकारहरु अस्पताल पुगेका छन् ।