नयाँ तीन जनामा संक्रमणको पुष्टि !

३० चैत्र, काठमाडौं । नेपालमा कोरोना भाइरस संक्रमितको संख्या १२ पुगेको छ । बीरगञ्जमा उपचाररत तीन जनामा कोरोनाको पुष्टि भएपछि संक्रमितको संख्या १२ पुगेको हो ।

संक्रमितहरु भारतबाट ४ महिना अगाडि नै नेपाल प्रवेश गरेका ३ जना धर्मगुरु हुन् । लगातार ६ दिनसम्म संक्रमण नदेखिएकोमा शनिबार हिजो सातौ दिनमा नयाँ तीन व्यक्तिमा संक्रमणको पुष्टि भएको छ । हेटौंडामा परीक्षण गरिएको तीन वटा नमुनामा पोजेटिभ देखिएपछि थप परीक्षणका लागि राष्ट्रिय जनस्वास्थ्य प्रयोगशाला पठाइएकोमा रिपोर्ट पोजेटिभ आएको हो ।

हेटौंडा–१० स्थित किटजन्य रोग अनुसन्धान तालिम केन्द्रमा शुक्रबार ३५ जनाको कोरोना परीक्षण गरिएको थियो । त्यसमध्ये तीन जनाको नतिजा भने पोजेटिभ हो वा होइन भन्ने छुट्याउन नसकेपछि थप निर्क्यौलका लागि नमुनालाई काठमाडौं टेकु स्थित राष्ट्रिय जनस्वास्थ्य प्रयोगशालामा पठाइएको थियो । काठमाडौंमा परिक्षण पछि पनि उनीहरुलाई कोरोना पोजेटिभ भएको पुष्टि भएको छ ।

आधिकारिक घोषणा आज गरिने सामाजिक विकास मन्त्रालयकाले जानकारी दिएको छ । संक्रमितहरुलाई शुक्रबार पर्साको वीरगन्ज महानगरपालिका छपकैयास्थित मस्जिदमा लुकेर वसेको अवस्थामा नियन्त्रणमा लिएर नारायणी अस्पतालको आइसोलेशन वार्डमा राखिएको थियो ।