सांसद प्याकुरेलद्वारा स्वास्थ्य सामग्री सहयोग

३० चैत, सप्तरी । सांसद सुमनराज प्याकुरेलले शनिबार स्वास्थ्य सामग्री वितरण गरेका छन् । सप्तरीको कञ्चनरुप नगरपालिका, सप्तकोशी नगरपालिका, हनुमाननगर कङ्कालिनी नगरपालिका, तिरहुत गाउँपालिका, अग्निसाइर कृष्णासवरण गाउँपालिका र राजविराजस्थित रहेको गजेन्द्रनारायण सिंह अस्पताललाई स्वास्थ्य सामग्री वितरण गरेका हुन् ।

उनले सप्तरी जिललाको विभिन्न क्वारेन्टाइन तथा स्वास्थ्य चौकीमा खटिएका स्वास्थ्यकर्मीलाई पिपीइलगायतका स्वास्थ्य सामग्री सहयोग गरेका छन् । सांसद प्याकुरेलले कृति सामुदायिक स्वास्थ्य उपचार केन्द्र रुपनगरमा १० थान पिपीइ, ५० लिटर स्यानिटाइजर र मेडिकेटेड १० हजार मास्क वितरण गर्नुभएको रुपनगर निवासी उत्तम अचार्यले जनाकारी दिएका छन्।