काठमाडौंमा तीन जनालाई कोरोनाकाे आशंका

१ वैशाख काठमाडौं । केही दिनयता उपत्यका बाहिर देखिएको कोरोना संक्रमण काठमाडौंमा पनि फैलिन थालेको छ । पेप्सिकोलाको सनसिटी अपार्टमेन्टमा बस्ने एकै परिवारका तीन जनामा कोरोना संक्रमण देखिएको छ । यद्यपी यसको औपचारिक पुष्टि हुन बाँकी छ ।

तीन जनाको र्‍यापिड टेष्टमा पोजेटिभ रिर्पोट आएपछि पाटन अस्पतालमा भर्ना गरिएको छ । पीसीआर विधिबाट नमुना संकलनका लागि उनीहरुको थ्रोट स्वाब लिइएको अस्पतालका निर्देशक विष्णु शर्माले बताए ।

अपार्टमेन्टको ए ब्लकमा बसिरहेका उनीहरु २८ दिनअघि बेलायतबाट आएका थिए । उनीहरुमा केही लक्षण देखिएपछि अस्पताल भर्ना गरिएको स्वास्थ्य तथा जनसंख्या मन्त्रालयका कर्मचारीले जानकारी दिएका छन । संक्रमण देखिएपछि तीन जनालाई अस्पताल लगिएको छ । प्रहरीले भने अपार्टमेन्ट नै सिल गरेको छ ।