अस्पताल भर्ना दुई जनामा कोरोना संक्रमणकाे पुष्टि

२ वैशाख काठमाडौं । पेप्सिकोलामा रहेको सनसिटी अपार्टमेन्टबाट पाटन अस्पताल भर्ना गरिएका दुई जनामा कोरोना भाइरसको संक्रमण पुष्टि भएको छ । एकजनाको भने रिपोर्ट आउन बाँकी छ ।

उनीहरु मध्ये दुई जना छोरा र बुहारीमा कोरोना संक्रमण पुष्टि भएको छ । आमाको भने रिर्पोट आउन बाँकी रहेको राष्ट्रिय जनस्वास्थ्य प्रयोगशाला टेकुले जनाएको छ । उनीहरु २८ दिनअघि बेलायतमा फर्किएका थिए । सोमबार र्‍यापिड टेष्टका क्रममा एन्टीबडी पोजेभिट देखिएपछि पाटन अस्पताल भर्ना गरेर थ्रोट स्वाब संकलन गरिएको थियो ।

तीनसाता अघि मात्र बेलायतबाट फर्किएको यो परिवारमा आमासहित पतिपत्नी रहेका छन् । तीनैजनाको एण्टीबडी पोजेटिभ देखिएलगत्तै आइसोलेसनमा राखिएका उनीहरुको हिजै घाँटीको ¥याल परिक्षण गरिएको हो । पतिपत्नीको रिपोर्ट आईसकेको र दुवैमा कोरोना भाइरस पुष्टि भएको छ भने आमाको रिपोर्ट आईसकेको छैन ।

उक्त घटनापछि सनसिटी अर्पाटमेण्टलाई प्रहरीले शिल गरेको छ । भित्रका मानिस बाहिर आउन पाएका छैनन् भने बाहिरबाट पनि कसैलाई जान दिइएको छैन । सनसिटीमा पाँचवटा अर्पाटमेण्टमा करिब चार सय परिवार बस्ने गरेका छन् ।कोरोना पुष्टि भएको परिवार बिल्डिङ एमा बसेको छ ।

यससँगै नेपालमा कोरोना संक्रमितको संख्या १६ पुगेको छ । यसअघि सोमबार मात्रै रौतहट र कैलालीमा दुई जना नयाँ संक्रमित फेला परेका थिए ।