सनसिटी अपार्टमेन्टमा बस्ने सबैको कोरोना परीक्षण शुरु

२ वैशाख काठमाडौं । बेलायतबाट आएका दुई जनामा कोरोना संक्रमण पुष्टि भएपछि काठमाडौंको पेप्सीकोलामा रहेको सनसिटी अपार्टमेन्टमा बस्ने सबैको कोरोना परीक्षण शुरु भएको छ ।

सोमबार कोरोना आंशका गरिएका एकै परिवारका तीनमध्ये आमा र छोरालाई संक्रमण पुष्टि भएपछि सरकारले अपार्टमेन्टमा बस्ने सबैको कोरोना परीक्षण शुरु गरेको हो ।

स्वास्थ्य तथा जनसंख्या मन्त्रालयले दुई जनामा कोरोना संक्रमण देखिएपछि अपार्टमेन्टमा बस्ने सबैको स्वास्थ्य परीक्षण थालिएको जनाएको छ । साथै उक्त अपार्टमेन्टमा बस्ने अन्य व्यक्तिहरूसंग सम्पर्कमा रहेकाको खोजी शुरु भएको मन्त्रालयले जनाएकाे छ । सोमबार नै ¥यापिड टेस्टमा तीन जनामा कोरोना संक्रमण पुष्टि भएपछि सरकारले अपार्टमेन्ट सिल गरिसकेको थियो ।