मेलम्ची खानेपानीमा यातायातमा रोक

४ वैशाख, काठमाडौं । हेलम्बु गाउँपालिका–४ ले मेलम्ची खानेपानीसहितको यातायातमा रोक लगाएको छ । अत्यावश्यकबाहेकको यातायात सञ्चालनमा रोक र अनावश्यक हिँडडुल गर्न नदिने भएको हो । कोरोना सङ्क्रमण बढेको र खानेपानीको गाडी धेरै चल्न थालेकाले बन्द गर्ने निर्णय गरिएको हेलम्बु–४ का वडाध्यक्ष राजकुमार लामिछानेले जानकारी दिएका छन् ।

हेलम्बु प्रवेशद्वार तालामराङबाट हेलम्बु प्रवेशमा हिँडडुुलमा, अत्यावश्यक सवारीसाधन प्रहरी, सञ्चार, एम्बुलेन्स, तरकारीका र पासबाहेकका सम्पूर्ण यातायातमा रोक लगाइएको छ । बिहान ६ बजे बाट ९ र बेलुका ४ बजेदेखि ७ बजेसम्म खाद्यान्न र तरकारी पसल मात्र खुल्न अनुमति दिने वडाध्यक्ष लामिछानेले जानकारी दिएका छन् ।

अहिले खानेपानीको अत्यावश्यक गाडी चलाउने विषयमा गाउँपालिकामा वार्ता जारी छ ।