पित्तथैलीको क्यान्सरबाट वडाध्यक्ष चौधरीको निधन

४ वैशाख, सुनसरी । इटहरी उपमहानगरपालिका–१ का वडाध्यक्ष विष्णुलाल चौधरीको ५५ वर्षको उमेरमा पित्तथैलीको क्यान्सरबाट गए राति निधन भएको छ ।

चिकित्सकको सल्लाहअनुसार घरमै आराम गरी बसेको अवस्थामा उनको निधन भएको परिवार जानकारी दिएका छन् । उनी नेपाली कांग्रेसका तर्फबाट वडाध्यक्षमा निर्वाचित हुन् । कांग्रेसका पूर्वजिल्ला सदस्यसमेत रहनुभएका उनको आज इटहरीको बुढी गङ्गा मुक्ति घाटमा दाहसंस्कार गरिएको कांग्रेस सुनसरीका जिल्ला सचिव केदार भण्डारीले जानकारी दिएका छन् ।

यसअघि चौधरीको पार्थिव शरिरमा कांग्रेस जिल्ला सभापति तथा एक नम्बर प्रदेशका प्रमुख प्रतिपक्षी दलका नेता राजीव कोइराला, सङ्घीय सांसद सिताराम मेहता तथा नेता मणिराम श्रेष्ठ लगायतकाले पार्टीको झण्डा ओढाएर अन्तिम श्रद्धाञ्जलि व्यक्त गरेका छन् ।