कोरोना रोकथाम कोषमा प्राइम कमर्सियल बैंकको एक करोड पचहत्तर लाख

६ वैशाख काठमाडौं । कोरोना भाइरस रोकथाम, नियन्त्रण तथा उपचार कोषमा प्राइम कमर्सियल बैंकले एक करोड ७५ लाख प्रदान गरेको छ ।

प्राइम कमर्सियल बैंक लिमिटेडले आफ्नो संस्थागत सामाजिक उत्तरदायित्व अन्तर्गत नेपाल सरकारद्धार स्थापित कोरोना भाइरस संक्रमण रोकथाम, नियन्त्रण तथा उपचार कोषमा शुक्रबार एक करोड पचहत्तर लाख रुपैयाँको चेक बैंकका अध्यक्ष राजेन्द्र दास श्रेष्ठले प्रधानमन्त्री तथा मन्त्रिपरिषदको कार्यालयका सचिव  महेन्द्र प्रसाद गुरागाईलाई हस्तान्तरण गरेका हुन् ।

साथै बैंकले लकडाउनका बेला दैनिक ज्याला मजदुरी गर्ने तथा बिभिन्न आश्रममा आश्रितहरुलाई दाल, चामल लगायत खाद्यान्न बितरण गरी सहयोग पु¥याउदै आएको प्रमुख कार्यकारी अधिकृत नारायण दास मानन्धरले नेपालबहस डटकमलाई जानकारी दिए ।