आइसोलेसनमा परेका प्रचण्डको बढ्दो छटपटी, ओलीकाे विकल्पमा माधव नेपाल ?

समाचार टिप्पणी

७ बैशाख, काठमाडौं । मूलधारको राजनीतिमा आएयता सधैं चर्चाको केन्द्रमा रहने गरेका पुष्पकमल दाहाल ‘प्रचण्ड’ कोरोना भाइरसको संक्रमणको कालखण्डमा भने आइसोलेसनमा परेका छन् । त्यसपछि प्रचण्डको छटपटी बढेको छ । सत्तारुढ नेकपाका कार्यकारी अध्यक्ष बनाइएका प्रचण्डलाई अर्का अध्यक्ष एवं प्रधानमन्त्री केपी ओलीले बुख्याँचामा सीमित गरिदिएपछि यस्तो अवस्था निर्माण भएको हो ।

कोरोना भाइरसको संक्रमणबाट देशलाई पार लगाएको जश ओली एक्लै लिन चाहन्छन् । उता, प्रचण्ड पनि अहिलको संगीन घडीमा आफ्नो भूमिका अहं रहोस् भन्ने चाहनाले अनेक पासा फाल्दै छन् । प्रधानमन्त्री ओलीले पार्टीमा आफूसँग असहमत पक्षलाई पूर्णत पाखा लगाएर एकलौटी रुपमा अहिलेको संकटसँग भिड्ने रणनीति बनाएका छन् । यसो गर्दा ओलीको टोली नै विभिन्न विवादमा फसिरहेको छ ।

खासगरी स्वास्थ्य सामग्री खरिद प्रकरणमा ओली निकट मन्त्री र सल्लाहकार नै विवादित भएपछि विरोधी खेमाका नेताहरु हौसिएका थिए । वरिष्ठ नेता झलनाथ खनाल, माधवकुमार नेपाल र बामदेव गौतमहरुलाई प्रचण्डले यो प्रकरणमा राम्रैसँग उकासे । ओलीलाई तह लगाउने उपयुक्त अवसरका रुपमा यो प्रकरण उछाल्ने गरी सबैको कुरा मिल्यो । अनि सचिवालय बैठक बोलाएर स्वास्थ्य सामग्री खरिदकाण्डको भूत जगाउने तयारी भयो । तर सचिवालय बैठक राख्नै महाभारत भयो । कार्यकारी अध्यक्ष भनिएका प्रचण्डले सचिवालय बैठक डाक्न ओलीलाई हारगुहार गर्नुपर्ने अवस्था देखियो ।

सोही अनुरुप प्रचण्डले देउवासँग छलफल गरेका छन् । साथै आफू निकट नेता जनार्दन शर्मालाई यसमा थप छलफल गर्न अह्राएका छन् । शर्माले पनि देउवा पत्नी आरजु राणासँग यस प्रसंगमा दुई चरण सम्वाद गरिसकेका छन् । छलफल सकारात्मक रहेको रिपार्टिङ प्रचण्डलाई गरिएको छ ।

प्रधानमन्त्री ओलीले पनि यो प्रकरणलाई दवाउने उद्देश्यले टारेको टारै गरे । धेरै नै दवाव परेपछि लौ न त भनेर ओलीले सचिवालय बैठक डाँकी दिए । साथै बैठकमा ओलीले स्वास्थ्य सामग्री खरिद प्रकरणबारे आफूलाई केही थाहा नभएको बताए । त्यहाँ कुनै सदस्यले पनि ओलीको प्रतिकार गरेनन् । बैठक नडाकुञ्जेल मच्चिएका नेताहरु ओली अगाडि परेपछि भने थच्चिएर बसे । सचिवालय बैठकमा उपप्रधानमन्त्री ईश्वर पोखरेल र स्वास्थ्य मन्त्री भानुभक्त ढकालको राजीनामा माग्ने तयारी रहेको बताइएको थियो । तर बैठकमा भने कसैले चुइँक्क गरेनन् ।

यो परिघटनाले प्रचण्ड अझै कमजोर भए । ओलीले बामदेव काण्डदेखि नै प्रचण्डलाई माइनस गर्न थालिसकेका थिए । यो क्रम पछिल्ला दिन अझै झाँग्गिएर गयो । कुनै बेला दिनको दुई पटकसम्म बालुवाटार डाकेर घण्टौं छलफल गर्थे ओली प्रचण्डसँग । तर बामदेवलाई राष्ट्रियसभामा लैजान गरेको षडयन्त्रपछि भने ओलीको रणनीति फेरिएको थियो । राष्ट्रिय राजनीतिमा भूमिका शून्य जस्तो अवस्थामा पुगेका प्रचण्डले अनेक दाउपेच लगाई रहे । सचिवालय बैठकबाट सोचेअनुसारको वातावरण तयार नभएपछि उनी कोरोना बिरुद्ध सर्वपक्षीय संयन्त्र बनाएर जान भन्दै ओलीमाथि दवाव दिन थाले ।

यो मुद्धामा उनले सचिवालयका अन्य सदस्यहरुको साथ लिन चाहे । तर पूर्व एमाले पक्षधर नेताहरुले प्रचण्डको यो मुद्धालाई निको मानेनन् । कांग्रेस सभापति शेरबहादुर देउवाको उक्साहटमा यो प्रस्ताव ल्याइएको बुझाई पूर्व एमाले नेताहरुलाई प¥यो । त्यसैले यो प्रकरणमा प्रचण्ड फेरि एक्लिए । निजी क्षेत्रबाट सञ्चालित एउटा टेलिभिजन कार्यक्रमलाई अन्तर्वार्ता दिंदै उनले अहिले कोरोनासँग लड्न सरकार एक्लैबाट असंभव रहेकाले सबै पक्षलाई समेटेर जानुपर्ने उनको तर्क छ । यो प्रस्तावमार्फत प्रचण्डले समानान्तर सरकार चलाउने अभिप्राय देखाएको भन्दै पूर्व एमालेहरु विपक्षमा उभिए । यसले प्रचण्डलाई अर्काे झड्का परेको छ ।

त्यसैले ओलीले प्रचण्डलाई हिजो शनिबार बालुवाटार बोलाएर तीन घण्टा लामो सम्वाद गरेका छन् । लगभग एक महिनादेखि केवल औपचारिक गफगाफमा सीमित ओली प्रचण्ड वार्ता हिजो भने खुलेर भएको छ । छलफल समसामयिक विषयका साथै प्रचण्डको चलखेलका सन्दर्भमा पनि भएको बुझिएको छ । छलफलमा ओलीले प्रचण्डलाई अहिले मेरा बिरुद्ध मोर्चाबन्दी गर्नेलाई आफूले माफ नगर्ने चेतावनी दिएको स्रोतले बतायो । ओलीले घुमाउरो भाषामा सरकारबिरुद्ध चलखेल नगर्न र गर्ने भए खुलेर मैदानमा ओर्लन चुनौती दिएका थिए । छलफलपछि प्रचण्डको निराशा अझै चुलिएको छ ।

त्यसपछि आफूलाई मूलधारमा कसरी ल्याउने भन्ने ध्याउन्नमा प्रचण्डको चिन्तन जारी छ । पार्टीभित्र विस्तारै कमजोर बन्ने संकेत देखेका प्रचण्ड अब कसरी जाने भन्ने मुद्धामा घोत्लिन थालेका छन् । सचिवालय बैठक लगत्तै प्रचण्डले पूर्व माओवादी पक्षसँग नयाँ रणनीति बनाउन पटक पटक छलफल गरेका छन् । छलफलले निकालेको निश्कर्ष छ–यही रुपमा जाने हो भने अब पार्टीभित्र पूर्व माओवादी पक्षलाई कमजोर बनाइने छ । त्यसैले ओलीलाई कमजोर बनाउन पूर्व एमालेकै नेताहरुलाई साथमा लिनुपर्छ ।

ओलीको विकल्पमा पूर्व प्रधानमन्त्री माधव नेपाललाई अगाडि सार्ने रणनीति बनाइएको छ । यस्तो प्रस्तावमा ओली विरोधी सबैलाई समेट्न सकिने ठहर पूर्व माओवादी पक्षको रहेको छ । आवश्यक परे ओली विरुद्धको मोर्चामा प्रमुख प्रतिपक्षी नेपाली कांग्रेसलाई समेत प्रयोग गर्न सकिने गरी प्रचण्डलाई अग्रसर हुन सुझाइएको स्रोतको दावी छ । सोही अनुरुप प्रचण्डले देउवासँग छलफल गरेका छन् । साथै आफू निकट नेता जनार्दन शर्मालाई यसमा थप छलफल गर्न अह्राएका छन् । शर्माले पनि देउवा पत्नी आरजु राणासँग यस प्रसंगमा दुई चरण सम्वाद गरिसकेका छन् । छलफल सकारात्मक रहेको रिपार्टिङ प्रचण्डलाई गरिएको छ ।

यस सन्दर्भमा पूर्व एमाले नेताहरुसँग थप वार्ता गर्न प्रचण्डले बामदेव गौतमलाई अनुरोध गरेका छन् –स्रोतले बताएको छ । राष्ट्रिय राजनीतिबाट ओझेलमा पर्ने भयले गर्दा प्रचण्डले भित्रभित्रै खेलेको यो खेल ओलीलाई ज्ञात नहुने कुरै भएन । त्यसैले ओलीले प्रचण्डलाई हिजो शनिबार बालुवाटार बोलाएर तीन घण्टा लामो सम्वाद गरेका छन् । लगभग एक महिनादेखि केवल औपचारिक गफगाफमा सीमित ओली प्रचण्ड वार्ता हिजो भने खुलेर भएको छ ।

छलफल समसामयिक विषयका साथै प्रचण्डको चलखेलका सन्दर्भमा पनि भएको बुझिएको छ । छलफलमा ओलीले प्रचण्डलाई अहिले मेरा बिरुद्ध मोर्चाबन्दी गर्नेलाई आफूले माफ नगर्ने चेतावनी दिएको स्रोतले बतायो । ओलीले घुमाउरो भाषामा सरकारबिरुद्ध चलखेल नगर्न र गर्ने भए खुलेर मैदानमा ओर्लन चुनौती दिएका थिए । छलफलपछि प्रचण्डको निराशा अझै चुलिएको छ ।

ओलीसँगको छलफलबारे प्रचण्डले हिजो साँझ आफू निकट नेताहरुलाई खुमलटारस्थित निवासमा बोलाएर छलफल गरेका थिए । अब कसरी अगाडि बढ्ने भन्ने सन्दर्भमा पूर्व माओवादी पक्षले सबै जिम्मा बामदेवलाई दिंदा उपयुक्त हुने निश्कर्ष निकालेको स्रोतको भनाई छ ।