७ बैशाख, काठमाडौं । सरकारको आँखामा कसिंगर बनेका डा. शेरबहादुर पुन अन्ततः मन्त्रालयले सोधेको स्पष्टीकरणको जवाफ लिएर स्वास्थ्य मन्त्रालय पुगेका छन् । उनले आज मात्रै मन्त्रालयको स्पष्टीकरण पत्र बुझेका थिए ।

वर्तमान सरकारको गलत शैली र प्रक्रियाको विरोध गर्ने उनको स्वभावका कारण स्वास्थ्यमन्त्री भानुभक्त ढकालले उनीमाथि पूर्वाग्रह राखी कारवाही गर्न लागेका छन् ।

स्रोतका अनुसार डा.पुन लिखित स्पष्टीकरण बोकेर भर्खरै मन्त्री ढकालको कार्यकक्ष प्रवेश गरेका छन् । बिगत १८ वर्षदेखि टेकु अस्पतालमा करारमा काम गरिरहेका डा. पुन सरुवा रोग विशेषज्ञ हुन् । मन्त्री ढकालले डा. पुनले सञ्चारमाध्यममा जथाभावी अन्तर्वार्ता दिएको निहुँमा मन्त्रालयमा हाजिर गराउन खोजेका छन् ।

तर भित्री कुरा चाहिं डा. पुनले ओम्नी समूहले ल्याएको आरडीटी कीटको गुणस्तरमा प्रश्न उठाएपछि मन्त्री ढकाल आक्रोशित भएका हुन् ।

र यो पनि पढ्नुस………………

ψ ओम्नीको भण्डाफोर गर्ने डा. पुनमाथि स्वास्थ्यमन्त्रीले पोखे आक्रोश

डा.शेरबहादुर पुनबारे अनर्गल लेख्ने लेखाउने कार्य नगर्न स्वास्थ्य मन्त्रालयकाे आग्रह