प्रेस संगठनद्धारा सञ्चार माध्यामहरुलाई मास्क र सेनिटाईजर बितरण

१२ वैशाख, डोटी । प्रेस संगठन नेपाल, डोटी शाखाले जिल्लामा रहेका सञ्चार संस्थाहरुलाई मास्क र सेनेटाइजर वितरण गरेको छ । संगठनले आज डोटीबाट सञ्चालित मिडिया हाउसलाई उक्त सामग्री हस्तान्तरण गरेको हो । मुलुकमा कोरोना भाइरस (कोभिड १९) को संक्रमण बढिरहेको समयमा जनतालाइ सुसूचित गर्ने, सूचना प्रवाह गर्ने सञ्चारकर्मिलाई कुनै पनि निकायबाट सहयोग नभएकाले संगठनले सामग्री उपलब्ध गराएको डोटी शाखा अध्यक्ष कर्ण चन्दले बताएका छन् ।

११ संचारमाध्यमलाई ४० बोटल सेनिटाईजर र ४ सय पिट मास्क बितरण गरिएको प्रेस संगठन डोटीका अध्यक्ष चन्दले बताएका छन् । संगठनले संकटमा सधै अग्रपन्तीमा रहेर काम गर्ने मिडियाकर्मीहरू लाई सुरक्षित रहेर काम गर्ने वातावरणको सृजना गर्न माग गरेको छ ।

लगडाउनको समयमा जिल्लाबाट प्रशारण हुने एफ.एम, रेडियो नेपाल, पत्रिका तथा सबै अनलाईनमा जनशक्तीका आधारमा मास्क र सेनिटाईजर बितरण गरेको संगठनका सह–संयोजक नवराज जोशीले जानकारी दिएका छन् ।