नागढुंगामा रोकिएका काठमाडौंबासीलाई व्यक्तिगत विवरण टिपेर छाडियो

१५ बैशाख काठमाडौं । विराटनगर महानगरपालिकाले पठाएको काठमाडौंका नागरिकलाई थानकोट प्रहरीले विवरण टिपेर छोडेको छ । विराटनगर महानगरपालिकाले ७ वटा बसमा १६० जनालाई काठमाडौं पठाएका यात्रुलाई नागढुंगा चेकपोस्टका प्रहरीले व्यक्तिगत विवरण टिपेर गन्तव्यमा पठाएको छ ।

थानकोट प्रहरीका अनुसार यात्रुको नाम, आएको र जाने ठाउँलगायतका विवरण टिपेर यात्रुलाई छाडिएको छ । उनीहरुलाई गाडीबाट झारेर चेकपोस्टमा प्रहरीले केहीबेर रोकेको थियो। हरेक बसमा १९ जना यात्रु पठाइएको थियो। उनीहरु सोमबार बिहान साढे ८ बजे चेकपोस्ट आइपुगेका थिए। प्रहरीले चेकपोस्टबाट अलि तल यात्रु झरेर बसहरु काठमाडौं प्रवेश गराए पनि यात्रुलाई भने रोकेर राखेको थियो।

८ बजे अगाडि विराटनगरलगायतका अन्य ठाउँबाट आएका याुत्रहरु काठमाडौं प्रवेश गरिसकेका थिए। तर त्यसपछि आएका यात्रुलाई भने माथिको आदेश चाहिने भन्दै प्रहरीले रोकेको थियो।