ओलीको हातमा बामदेव कार्ड

१८ बैशाख, काठमाडौं । नेपाली राजनीतिक क्षितिजमा विचित्रको पात्र हुन् – बामदेव गौतम । सधैं चर्चाका बीच रहने यो पात्र पद र शक्तिका लागि मरिहत्ते गर्नेमा दरिएका छन् । अस्थिर स्वभाव भएपनि पार्टीभित्र एउटा गुट चाहिं यिनले पनि बनाएका छन् । कहिले कसको पक्षमा त कहिले कसको पक्षमा देखिने यी पात्र फेरि चर्चामा छन् । पार्टी अध्यक्षसमेत रहेका प्रधानमन्त्री केपी ओलीले नयाँ प्रधानमन्त्रीका रुपमा यही पात्रको नाम उछालेका छन् ।

पार्टी राजनीतिमा कुनै न कुनै ढंगले यिनको साथ र सहयोग ओलीलाई बलियो बनाउमै खर्चियो । तर ओलीबाट उनले सधैं धोका मात्र पाए । त्यसैले पछिल्लो चरणमा उनी अर्का अध्यक्ष पुष्पकमल दाहाल ‘प्रचण्ड’ निकट देखिएका छन् । प्रचण्डकै चाहना अनुसार उनले राष्ट्रियसभा सदस्यमा जान मञ्जुरी जनाएका थिए । तर ओली नै त्यसको बाधक बने । सधैं चर्चामा ल्याइने तर बेबकुफ बनाइने यो पात्रको नियति बनेको छ ।

हिजो फेरि त्यही तुरुप प्रयोग गरे ओलीले । ल मैले प्रधानमन्त्री पद छाड्नै पर्ने भए बामदेव कम्रेडलाई बनाउने शर्तमा तयार छु– ओलीले हिजो सचिवालय बैठकमा सबैलाई अवाक बनाउँदै भने । बामदेव पनि ओलीको प्रस्तावबाट उत्साहित भए ।सानो प्राप्तिमा पुलकित हुने बामदेवको स्वभाव छ । मीठा कुरामा दङ्ग हुने उनको बानी सबैलाई थाहा छ । त्यसको फाइदा कहिले प्रचण्ड उठाउँछन् त कहिले ओली ।

हस्ताक्षर नगरेपनि आवश्यक परे ओलीको पक्षमा उभिने वचन भने दिएकी थिइन् । यसैबाट पनि अब ओली फेरि बामदेव कार्ड प्रयोग गर्न अग्रसर भएको बुझ्न सकिन्छ ।तुलसा थापाको बालुवाटार प्रवेश र सघाउने वचनपछि ओली बामदेवप्रति सकारात्मक देखिए । यद्यपि बामदेव कार्ड आफ्नो रक्षाकवच मात्र हो की साँच्चै बनाउने मनसाय हो,त्यो हेर्न त केही समय कुर्नै पर्छ ।

हिजोको बैठकमा ओलीले बामदेवलाई इँगित गर्दै भने– तपाईंलाई प्रचण्डले भकुण्डो बनाउनु भो, हामी समकालिन नेताहरुमा सबै प्रधानमन्त्री भयौं, ल अब तपाईंलाई म बनाउन तयार छु । सके राष्ट्रियसभा सदस्यलाई बनाउन मिल्ने गरी संविधान संशोधन गरौंला, नत्र प्रतिनिधिसभामा ल्याएर भएपनि अबको प्रधानमन्त्री तपाईं नै हो । ओलीका कुरा कत्तिको संभव छ, त्यतातिर बामदेव गहिराईमा गएनन्, बरु भने– मलाई प्रस्ताव गर्नु भएकोमा धन्यवाद । तर व्यवहारमा आउनुप¥यो ।

यसको अर्थ अब बामदेवको कदम ओलीतिर अलि बढी नै चल्नेवाला छ । हिजो बालुवाटारमा ओलीले आफूनिकट सांसदहरुको हस्ताक्षर लिनेक्रममा बामदेव पत्नी तुलसा थापा पनि पुगिन् । हस्ताक्षर नगरेपनि आवश्यक परे ओलीको पक्षमा उभिने वचन भने दिएकी थिइन् । यसैबाट पनि अब ओली फेरि बामदेव कार्ड प्रयोग गर्न अग्रसर भएको बुझ्न सकिन्छ ।तुलसा थापाको बालुवाटार प्रवेश र सघाउने वचनपछि ओली बामदेवप्रति सकारात्मक देखिए । यद्यपि बामदेव कार्ड आफ्नो रक्षाकवच मात्र हो की साँच्चै बनाउने मनसाय हो,त्यो हेर्न त केही समय कुर्नै पर्छ ।

सचिवालय बैठकमा ओलीले स्पष्टै भने– कोरोना महामारी सकियोस्, अनि म राजीनामा दिन्छु, बामदेव कम्रेडलाई प्रधानमन्त्री बनाउँ । यति भनिसक्दा बामदेव प्रफुल्ल भए । उनले भने यदि ओलीले निकासका लागि म उपयुक्त पात्र ठान्नुभएको हो भने ठीक छ । मैले त सपनामा पनि सोचेको थिइन । निकास आउने अवस्थामा हामी नयाँ लफडातिर नलागौं, स्थायी कमिटी बैठक अब आवश्यक छैन, सचिवालयबाटै हल खोजौं ।

बामदेवले यति भनिसक्दा प्रचण्ड जिल्ल परे । ओलीले बामदेवलाई फेरि नयाँ गोटी बनाउन लागे भन्ने उनको मनमा प¥यो । तर यसमा उनले कुनै प्रतिक्रिया दिएनन् । हिजोसम्म प्रचण्ड र माधवले प्रयोग गरेको बामदेव कार्ड अब ओलीको हातमा परेको छ । हेरौं बामदेवले यो प्रस्तावलाई कसरी लिन्छन् वा ओलीले कुन बिन्दूमा पु¥याउँछन्,प्रतिक्षा गर्नै पर्छ ।