२५ लाख धरौटीमा रिहा भएका अग्रवाल फेरि पक्राउ

१८ बैशाख काठमाडौं । काठमाडौं जिल्ला अदालतबाट २५ लाख धरौटी बुझाएर रिहा भएका व्यवसायी सुलभ अग्रवाल फेरि पक्राउ परेका छन ।

अदालतमा २५ लाख ५० हजार रुपैयाँ धरौटी बुझाएर रिहा हुनेवित्तिकै उनलाई महानगरीय प्रहरी परिसरका प्रमुख प्रहरी वरिष्ठ उपरीक्षक श्यामलाल ज्ञवालीका अनुसार कालोबजारी अभियोगमा पक्राउ परेका निजलाई हाल विभागको हिरासतमा राखिएको छ । अब आन्तरिक राजश्व विभागले पनि उनीमाथि अनुसन्धान गर्नेछ ।

कालोबजारीको आरोप लागेका जोकोहीमाथि ती दुवै विभागबाट बेग्लाबेग्लै अनुसन्धान गर्नुपर्ने कानुनी व्यवस्था भएकाले अदालतलको आदेशपछि निजलाई सम्पत्ति शुद्धीकरण अनुसन्धान विभाग पठाइएको छ ।

ज्वरो नाप्ने थर्मल गन कालोबजारी आरोपमा गत चैत २५ गते पक्राउ परेका अग्रवालविरुद्धको मुद्धामा जिल्ला अदालत काठमाडौंले बिहीबार २५ लाख ५० हजार रुपैयाँ धरौटीमा छाड्न आदेश दिएको थियो ।