साधारण तारेखमा छुटे सुलभ अग्रवाल

१८ बैशाख काठमाडौं । शंकर ग्रुपका उपाध्यक्ष,जगदम्बा स्टील तथा सिमेन्ट उद्योगका प्रबन्ध निर्देशक सुलभ अग्रवाललाई सम्पत्ति शुद्धीकरण विभागले साधरण तारेखमा छाडेको छ ।

थर्मल गन कालोबजारीको आरोपमा पक्राउ परेका अग्रवाललाई आज बिहीबार नै जिल्ला अदालत, काठमाडौंले २५ लाख ५० हजार धरौटीमा छाडेको थियो । तर अदालत परिसरबाटै प्रहरीले उनलाई पुनः पक्राउ गरि सम्पत्ति शुद्धीकरण विभागमा बुझाएको थियो ।

विभागले उनीसँग बयान लिएको र, लकडाउनपछि अनुसन्धान गर्ने गरी छाडेको विभागले जनाएको छ । अग्रवाल गत चैत २५ गते थर्मल गन कालोबजारीको आरोपमा काठमाडौंको नक्सालबाट पक्राउ परेका थिए ।