धादिङबाट भरुवा बन्दुकसहित एक जना पक्राउ

२५ बैशाख, धादिङ । धादिङकाे त्रिपुरासुन्दरी गाउँपालिका – ४ कार्की गाउँस्थित खोलाफेद चौतराबाट सोही ठाउँ बस्ने ५३ वर्षीय चेत बहादुर गुरुङलाई भरुवा बन्दुक १ थानसहित बुधबार दिउँसो प्रहरीले पक्राउ गरेको छ ।

जिल्ला प्रहरी कार्यालय धादिङ र प्रहरी चौकी सल्यानकोटबाट खटिएको प्रहरीले गुरुङलाई उक्त बन्दुक बोकी हिँडिरहेको अवस्थामा फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।