नुवाकोट कांग्रेस र यशोदादेवी भगवानसिंह ट्रस्टद्धारा बिदुर र बेलकोटगढिलाई स्वास्थ्य सामाग्री प्रदान

२६ बैशाख, नुवाकोट । नेपाली कांग्रेस नुवाकोट र सामाजिक क्षेत्रमा निरन्तर क्रियाशील संस्था यशोदादेवी भगवानसिंह केसी मेमोरियल ट्रस्टले जिल्लाका सबै गाउँपालिकामा कोरोना सम्बन्धी स्वास्थ्य सामग्री वितरण गरेका छन् ।

नेपाली कांग्रेसका नेता एवं ट्रस्टका प्रमुख संरक्षक अर्जुननरसिंह केसीले बिदुर नगरपालिकाका प्रमुख सन्जु पन्डित र बेलकोटगढि नगरपालिका प्रतिनिधि अनन्तराम नेपाल र हेमनिधि नेपालको रोहबरमा शुक्रबार दुबै नगरपालिकाका प्रतिनिधिलाई उक्त सामग्री हस्तान्तरण गरेका हुन् ।

जिल्लाका दुई नगरपालिकमा नेपाली कांग्रेसले ज्वरो नाप्ने थर्मल मिटर २–२ वटा हस्तान्तरण गरेको हो । अमेरिकामा रहेका धनञ्जय नरसिंह केसी,अमृत सापकोटा, सुमन थापा ,रामबाबु पाण्डे, दिनेश पाण्डे, कैलाश थापा, राजेन्द्र अधिकारी, राजेन्द्र श्रेष्ठ, सुवाश गुणी, रामकृष्ण भट्ट रबिस वाइबा, इन्द्र शिटौला, नबराज न्यौपाने र राम मिश्र लगायतका नेपालीहरूबाट आर्थिक सहयोग प्राप्त गरी पार्टीले यो सहयोग गरेको हो ।

यसैगरी यशोदादेवी भगवानसिंह केसी मेमोरियल ट्रस्टले दुबै नगरपालिकामा एक/एक हजार थान मास्क उपलब्ध गराएको छ ।

कार्यक्रममा ट्रस्टका अध्यक्ष डा केदारनरसिंह केसी, ‘महासचिब’ तथा नेका नुवाकोट सभापति जगदीश्वर नरसिंह केसी एवं जिल्लाका विभिन्न क्षेत्रका समाजसेवी बुद्धिजिवी लगायत पत्रकारहरुको सहभागिता रहेको थियो ।

यसैबीच केही दिन अघि पनि अर्जुननरसिह के सि, डा केदारनरसिह के सि, इ.महेश्वरनरसिह के सि ‘नेपाल सरकार’का सह – सचिब र नुवाकोट सभापति जगदीश्वर नरसिंह केसीले नुवाकोटको गल्छिहुँदै कोल्पुटार रातमाटे देबिघाट र बिदुर पुगेर १० गाउँपालिकालाई ‘स्वास्थ सामाग्रीहरु’ वितरण गरेका थिए ।

सामाग्री नेपाली कांग्रेस जिल्ला कार्यसमिति नुवाकोटको तर्फ बाट १-१ थान डिजिटल थर्मल मिटर र यशोदादेबि भगवान सिह केसि मेमोरियल ट्रस्टको तर्फबाट १-१ हजार माक्स र सेनिटाइजर वितरण गरिएको थियो