आइतबारदेखि काठमाडौंमा ‘टाइम कार्ड’ लागु हुने

२७ बैशाख काठमाडौं । विश्वभर महाकारी लिइरहेको कोरोना भाइरस नियन्त्रण तथा रोकथाम गर्न नेपालमा लकडाउन जारी छ । लकडाउनमै आइतबारदेखि काठमाडौंमा गाडी चलाउन ‘टाइम कार्ड’ लागू हुने भएको छ।

महानगरीय ट्राफिक प्रहरी महाशाखाका अनुसार जुनसुकै कार्यालय वा संस्थाका सवारी साधन तोकेको समयमा मात्र चलाउन पाउने निर्णय गरिएको हो ।

सरकारी कार्यालयलाई बिहान ९ बजेदेखि साढे १० बजेसम्म र घर फर्कन बेलुकी ५ बजेदेखि ६ बजेसम्म समय निर्धारण गरिएको छ। यस्तै तरकारी तथा अत्यावश्यक खाद्य सामग्री बिहान १० बजेभन्दा पहिल्यै ढुवानी गरिसक्नुपर्ने उनले बताए।

त्यसैगरी बैंक, वित्तीय संस्था बिहान ९ बजेदेखि साढे १० बजेसम्म गइसक्नुपर्ने र बेलुका साढे ३ बजेदेखि ५ बजेसम्म फर्कनु पर्ने छ । गृहमन्त्रालयले लकडाउनलाई कडाई गर्नुका साथै जोखिम घटाउन टाइम कार्ड लागु गर्न निर्देशन दिएको थियो ।