पर्साका २ जना पत्रकारलाई कोरोनाकाे पुष्टि

३० बैशाख, काठमाडौं । नेपालमा पहिलोपटक पत्रकारमा पनि कोरोना संक्रमण देखिएको छ । पर्साका २ जना पत्रकारलाई कोरोना संक्रमणकाे पुष्टि भएको स्वास्थ्य तथा जनसंख्या मन्त्रालयले जनाएको छ । मंगलबार भेटिएका ३९ जना संक्रमितमध्ये दुई जना पत्रकार सम्पर्कमा आएका छन् ।

वीरगञ्जमा पहिलो पटक ३१ चैतमा तीनजना जमातीमा संक्रमण देखिएको थियो भने छपकैयामा एकै परिवारका १८ जनामा संक्रमण पुष्टि भएको छ । महामारीकै बीचमा वीरगञ्जका पत्रकारहरले जोखिम मोलेर रिपोर्टिङ गर्दै आएका थिए।

यसअघि भारतमा ९० भन्दा धेरै पत्रकारलाई कोरोना संक्रमण भएको थियो । विश्वव्यापी रुपमै कोरोना संक्रमितको संख्या बढ्दै जाँदा पत्रकारमा पनि पुष्टि हुन थालेको छ ।

उनीहरु सबैको स्वास्थ्य अवस्था सामान्य रहेको मन्त्रालयको भनाइ छ । यो सँगै नेपालमा कोरोना संक्रमितको संख्या १९१ पुगेको छ भने त्यमध्ये ३३ जना निको भएका छन् ।