नेपालमा थप २ जनामा कोरोनाको पुष्टि, संक्रमितको संख्या २१९ पुग्याे

३१ बैशाख, काठमाडाैं । नेपालमा बुधबार २ जनामा कोरोना भाइरस संक्रमणको पुष्टि भएको छ । योसँगै नेपालमा कोरोना संक्रमितको संख्या २१९ पुगेको छ ।

स्वास्थ्य मन्त्रालयका सहप्रवक्ता डा। समिरकुमार अधिकारीका अनुसार धुलिखेलस्थित धुलिखेल प्रयोगशालामा गरिएको परीक्षणमा बाँकेका एक जनामा कोरोना संक्रमण देखिएको हो । यस्तै काठमाडौैंको टेकुस्थित राष्ट्रिय जनस्वास्थ्य प्रयोगशालामा गरिएको परीक्षणमा कपिलवस्तुका एक जनामा पनि संक्रमण पुष्टि भएको हो ।

संक्रमित बाँके जिल्ला नेपालगन्ज-८ का ३६ वर्षीय पुरुष तथा कपिलवस्तु-५ का २२ वर्षीय पुरुष रहेका छन् । उनीहरु दुवैको स्वास्थ्य अवस्था सामान्य रहेको छ । स्वास्थ्य कार्यालय काभ्रेका अनुसार राष्ट्रिय जनस्वास्थ्य प्रयोगशालाले काभ्रेमा पनि नमुनाहरु परीक्षणका लागि पठाउने गरेको छ । हालसम्म काभ्रेमा १२ सय १७ वटा पीसीआर परीक्षण गरिएकामा ६५ नमुना मात्रै काभ्रे जिल्लाको रहेको छ भने बाँकी राष्ट्रिय प्रयोगशालाले नै पठाएका स्याम्पलहरु हुन् ।

हालसम्म पर्सामा ८२, उदयपुरमा ३२, कपिलवस्तुमा २९, बाँकेमा २४, रुपन्देहीमा १६, काठमाडौंमा ६, कैलालीमा ४, रौतहट र बारामा ३र३ तथा बागलुङ, चितवन, झापा, सर्लाही, महोत्तरी, धनुषा र भक्तपुरमा २र२ जनामा कोरोना संक्रमण देखिएको छ । त्यस्तै भोजपुर, सप्तरी, बर्दिया र कञ्चनपुर र काभ्रेमा एकरएक जनामा संक्रमण पुष्टि भएको छ ।

संक्रमण पुष्टि भएकामध्ये ३४ जना निको भएका छन् । तर, नारायणी अस्पताल वीरगन्जबाट कोभिड–१९ निको भएर गएका दुई जनामा पीसीआर परीक्षणमा पोजिटिभ देखिएपछि उनीहरूलाई थप परीक्षणका लागि अस्पतालमा पुनस् भर्ना गरिएको छ ।

त्यसैगरी काठमाडौको सनसिटी अपार्टमेन्टमा बस्ने ५२ वर्षीय ती व्यक्तिको पनि पीसीआर रिपोर्ट पोजिटिभ देखिएको छ । पाटन अस्पतालमा उपचारपछि डिस्चार्ज भएका उनलाई पनि पुन: अस्पताल भर्ना गरिएको छ ।