सेभ द चिल्ड्रेनद्धारा जीएन सिंह अस्पताललाई टेन्ट प्रदान

◊ धीरुभाइ

३१ बैशाख, सप्तरी । सेभ द चिल्ड्रेनले बुधबार राजविराज स्थित गजेन्द्र नारायण सिंह अस्पताललाई एक थान टेन्ट प्रदान गरेको छ । सेभ द चिल्ड्रेनका वरिष्ठ कार्यक्रम संयोजक अरुणकुमार महतोले अस्पतालका मेडिकल सुपरिटेन्डेन्ट डा. चुमनलाल दासलाई सो टेन्ट प्रदान गरेका हुन्।

सेभ द सप्तरीको समन्वयमा सेभ द चिल्ड्रेनले आठ मिटर लम्बाइ र पाँच मिटर चौडाइ भएको टेन्ट प्रदान गरेको हो । सो टेन्टको मूल्य एक लाख १६ हजार १०९ रुपियाँ रहेको बताइएको छ । यसअघि गत २८ गते सेभ द चिल्ड्रेनले बायोहजार्ड ब्याग, अस्पताल ग्रेड डिसइन्फेक्ट्यान्ट, इन्फ्रेड थर्मोमिटर, लिक्विड, एन ९५ रिसपिरेटर मास्क, बोफ्यान्ट क्याप, गमबुट, ह्याण्ड सेनिटाइजर, स्क्रब, सर्जिकल ग्लोभस, एप्रोन लगायत छ लाख ४७ हजार ६२३ रुपियाँ ६५ पैसा बराबरको स्वास्थ्य सामग्री प्रदान गरेको सेभ द चिन्ड्रेनका वरिष्ठ कार्यक्रम संयोजक महतोले जानकारी दिए ।

टेन्ट ग्रहण गर्दै अस्पतालका मेडिकल सुपरिटेन्डेन्ड डा. दासले कोरोना भाइरस संक्रमित विरामीको उपचारमा थप सहयोग पुग्ने बताउँदै सेभ द चिल्ड्रेनलाई धन्यवाद दिए । कार्यक्रममा सेभ द सप्तरीका कार्यक्रम संयोजक गोपाल प्रसाद चौधरी, फिल्ड अधिकृतहरु विष्णुकान्त देव, मुकेशकुमार मण्डल, फाइनान्स अफिसर अशोककुमार साह लगायतको सहभागीता रहेको थियो ।