क्वारेन्टाइनबाट भागेका होइनन, ‘मदिरा लिन जाँदा पुलिसले देखेपछि भागेका हुन्’

२ जेठ, बुटवल । कोरोना भाइरस संक्रमणको पुष्ट्रि भएर क्वारेन्टाइनबाट भागेका भनिएका व्यक्ति मदिरा लिन गएको खुलेको छ । नवलपरासी ‘पश्चिम’को रामग्राम नगरपालिकास्थित आदर्श माविको क्वारेन्टाइनमा बसेका दुईरतीन जना युवा बिहीबार साँझ बजारबाट मगाएको मदिरा लिन जाँदा पुलिसले देखेपछि भागेको खुल्न आएको छ ।

रामग्राम नगरपालिकाका स्वास्थ्य शाखा प्रमुख रामनरेश रायले ती युवा भागेको नभई बजारबाट मगाएको मदिरा लिन गएको बताएका छन् । उनीहरुले साथीमार्फत बजारबाट मदिरा मगाएका थिए ।

साथीले मदिरा ल्याइदिएपछि बाहिर निस्किएको बेला सुरक्षाकर्मीले देखेपछि उनीहरु भागेका हुन्, क्वारेन्टाइनबाट भाग्न खोजेका होइनन्’ रामग्राम नगरपालिकाका स्वास्थ्य शाखा प्रमुख रामनरेश रायले बताए । १८–१९ वर्षका दुई र तीन जनाले मदिरा मगाएर सेवन गरेको स्वीकार गरेका छन्, उक्त क्वारेन्टाइनमा ४९ जना रहेका छन् ।