धुलिखेल अस्पतालमा महिलाको मृत्यु, कोराना संक्रमणको आशंका

३ जेठ, काठमाडौं । काभ्रेको धुलिखेल अस्पतालमा उपचारार्थ भर्ना भएकी एक सुत्केरी एक महिलाको हिजो राति मृत्य भएपछि हंगामा खडा भएको छ । दश दिनअघि काठमाडौं महाराजगञ्जस्थित शिक्षण अस्पतालमा सुत्केरी भएकी ती महिला अस्ति मात्र डिस्चार्ज भई घर गएकी थिइन् ।

सिन्धुपाल्चोक बाह्रबिसेकी ती महिला हिजो बिहान अकस्मात सिकिस्त भएपछि धुलिखेल अस्पताल पु¥याइएको थियो । ती महिलाको आरडीटी परीक्षण गर्दा कोरोना पोजेटिभ देखिएको बताइएको छ । तर यसबारे अस्पतालले आधिकारिक रुपमा केही बताएको छैन । अस्पतालका प्रवक्ता डा. सुमन ताम्रकारले मृत्युबारे पुष्टि गरेपनि कारण भने खुलाएनन् ।

मृतक महिलाको स्वाब परीक्षणका लागि टेकु अस्पताल पठाइएको जानकारी पनि उनले दिएका छन् । यसको विस्तृत विवरण भने मन्त्रालयबाटै दिइने पनि उनले बताए । आरडीटी परीक्षण पोजेटिभ देखिएपछि उनलाई आइसोलेसन वार्डमा राखिएको थियो । घर पुगेकी ती महिलामा एक्कासी स्वासप्रस्वाशको समस्या देखिएपछि धुलिखेल अस्पताल लगिएको थियो ।

अहिले धुलिखेल अस्पताल शिल गरिएको छ । पीसीआर रिपोर्ट नआएसम्म शिल कायमै रहने पनि डा. ताम्राकारले बताए ।