धुलिखेल अस्पतालमा मृत्यु भएकी महिलामा कोरोनाकाे पुष्टि, दाहसंस्कार गर्ने तयारी

३ जेठ, काठमाडौं । धुलिखेल अस्पतालमा आज मृत्यु भएकी सुत्केरी महिलामा कोरोना संक्रमणकाे पुष्टि भएको छ । धुलिखेल अस्पतालमा गरिएको स्वाब परीक्षणको आधारमा उनलाई कोरोना पुष्टि भएको र कोरोनाकै कारण मृत्यु भएको हो ।

तर सरकारले आधिकारिक रुपमा ती महिलाको मृत्यु कोरोना संक्रमणबाट भएको वा नभएको खुलाएको छैन । कोरोना पुष्टि भएपछि ती महिलालाई सुरक्षा निकायको समन्वयमा अन्तिम दाहसंस्कार गर्ने तयारी भएको छ ।

धुलिखेल अस्पतालबाट पशुपतिमा ल्याएर दाहसंस्कार गर्न लागिएको सरकारी निकायका एक व्यक्तिले जानकारी दिएका छन ।