नेपालमा काेराेना संक्रमितको संख्या ४ सय २ पुग्याे

६ जेठ, काठमाडौं । नेपालमा मंगलबार थप २७ जनामा नयाँ कोरोना भाइरसको संक्रमण पुष्टि भएको छ । थपिएका संक्रमित मध्ये उपत्यकाका पाँच जना रहेका छन् ।

स्वास्थ्य तथा जनसंख्या मन्त्रालयका अनुसार काठमाडौंमा तीन तथा भक्तपुर र ललितपुरमा एक-एक जनामा काेराेना  संक्रमण पुष्टि भएको छ ।

स्वास्थ्य मन्त्रालयका प्रवक्ता डा. विकास देवकोटाका अनुसार आज भेटिएका संक्रमित १७ बर्ष ४२ वर्ष उमेर समूहका छन् । २७ जनामध्ये १४ जना पुरुष र ३ जना महिला छन् ।

झापाका ९, मोरङका १, सुनसरीका १, सर्लाही २, काठमाडौं ३, भक्तपुरमा १, मकवानपुरमा १, रामेछापमा १, ललितपुरमा १, सिन्धुलीमा १, लम्जुङमा १, कपिलवस्तुमा ४ र नवलपरासीमा १ नयाँ संक्रमित भेटिएका हुन् । योसँगै संक्रमितको संख्या ४ सय २ पुगेको छ।