नेपालमा पहिलो पटक डाक्टरलाई पनि कोरोना संक्रमण !

६ जेठ, काठमाडाैं । नेपालमा पहिलो पटक डाक्टरलाई पनि कोरोना संक्रमण भएको छ । संक्रमितको कन्ट्याक ट्रेसिङमा संलग्न एक डाक्टरलाई पनि कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

उनी इपिडिमियोलोजी तथा रोग नियन्त्रण महाशाखा ईडीसीडीमा कार्यरत छन । मंगलबार बेलुकी मात्रै २७ जनामा संक्रमण पुष्टि भएको थियो । जसमा काठमाडौं उपत्यकाका पाँच जना संलंग्न छन । तीमध्ये डाक्टर पनि संक्रमित रहेका स्वास्थ्य मन्त्रालय स्रोतले जनाएको छ ।

कपिलवस्तुका कोरोना संक्रमितहरुको कन्ट्याक ट्रेसिङ गर्न गएका बेला उनी संक्रमित भएको आशंका गरिएको छ । यसअघि दुई जना नर्समा कोरोना संक्रमण पुष्टि भएको थियो ।

अहिले डाक्टरलाई संक्रमण पुष्टि भएको छ । स्वास्थ्यकर्मीलाई समेत कोरोना संक्रमण भएपछि यसले भयावह अवस्था सिर्जना हुने अनुमान गरिएको छ । नेपालाम अहिलेसम्म ४ सय २ जनामा संक्रमण पुष्टि भएकामा ३७ जनालाई निको भएको छ । दुई जनाको भने ज्यानै गएको छ ।