कोरोना संक्रमण पुष्टि भएका व्यक्ति बसोबास गर्ने मैतीदेवी क्षेत्र शिल

७ जेठ, काठमाडौं । मंगलबार कोरोना संक्रमण पुष्टि भएका रामेछापका व्यक्ति बसोबास गर्ने मैतीदेवी क्षेत्र शिल गरिएको छ । सडकमा डोरी टाँगेर कोरोना प्रभावित क्षेत्र लेखी त्यहाँभित्र जान र आउन प्रतिबन्ध गरिएको प्रहरीले जनाएको छ ।

मैतीदेवी क्षेत्रमा कोरोना संक्रमित व्यक्तिको सम्पर्कमा आएका व्यक्तिको स्वाब संकलनको काम भइरहेको छ । खाँडादेवी गाउँपालिका–१ का उनी वैशाख ३० गते काठमाडौं आएका थिए, उनमा कोरोना संक्रमण पुष्टि भएको हो ।

परिवारका ८ जना र नजिकको सम्पर्कमा आएका ७ जनाको थ्रोट स्वाब संकलन गरेर राष्ट्रिय जनस्वास्थ्य प्रयोगशाला पठाइएको छ ।