नेपालमा कोरोना संक्रमितको संख्या ४ सय ३४ पुग्याे

७ जेठ, काठमाडौं । नेपालमा थप सात जनालाई कोरोना संक्रमण पुष्टि भएको छ । झापाका ५, धनकुटा र धरानका एक एक जनालाई कोरोना संक्रमण पुष्टि भएको हो । सबै जना प्रदेश १ कै हुन ।

प्रदेश १ मा कोरोना टेष्टको दायरा बढेसँगै संक्रमितको संख्या पनि दिनहुँ थपिन थालेको मुख्यमन्त्री कार्यालयले जनाएको छ । यसअघि बुधबार २५ जनामा संक्रमण पुष्टि भएको थियो ।

यससँगै आज मात्रै ३२ जनामा संक्रमण पुष्टि भएको छ । यससँगै नेपालमा कोरोना संक्रमितको संख्या ४ सय ३४ पुगेको छ । यसमध्ये ४५ जना उपचारपछि निको भएर घर फर्किएका छन भने दुई जनाको ज्यान गएको छ ।