जेठ अन्तिमसम्म हवाई उडान रोक

७ जेठ, काठमाडाैं । नेपाल सरकारले जेठ अन्तिमसम्म घरेलु तथा अन्तराष्ट्रिय हवाई उडान रोकलाई लम्ब्याएको छ । बुधबार बसेको कोभिड–१९ रोकथाम तथा नियन्त्रण उच्चस्तरीय समितिले जेठ १८ सम्म रहेको उडान रोकलाई जेठ मसान्तसम्म लम्ब्याउने निर्णय गरेको हो ।

४ गते बसेको मन्त्रिपरिषद् बैठकले लकडाउनलाई २० गतेसम्म लब्याए पनि हवाई उडानबारे निर्णय गरेको थिएन । समितिको मंगलबार बसेको बैठक पनि विदेशमा समस्यामा परेका नागरिकहरुको उद्दारबारे छलफलका लागि बोलाइएको थियो ।

हवाई उडानबारे अन्तिममा मात्र निर्णय भएको एक मन्त्रीले जानकारी दिए । भारतले भने सुरक्षा सतर्कतासहित आउँदो सोमबार अर्थात २५ मे देखि आन्तरिक उडान खोल्ने निर्णय गरेको छ । स्यानिटाइजर, मास्कसहित सुरक्षा सतर्कता अपनाएर उडान खोल्ने निर्णय गरिएको भारतीय सञ्चारमाध्यमले जनाएका छन ।