सहारा नेपाललाई कुमारी बैंकले दियो सहयोग

८ जेठ, काठमाडौं । कोरोना भाइरस (कोभिड–१९) नियन्त्रण र रोक्थामका लागि सरकारले देशव्यापी लकडाउन घोषणा गरेको कारण दैनिक ज्यालादारीमा काम गर्ने तथा आर्थिक अवस्था कमजोर भएका परिवारहरुलाई कुमारी बैंकले सामाजिक उत्तरदायित्व अन्तर्रगत देशको विभिन्न स्थानहरुमा सहयोग गर्दै आइरहेको छ ।

यसैक्रममा कुमारी बैंकको चन्द्रगढी शाखाले ‘एकका लागि एक’ अभियान संचालन गरिरहेको साहारा नेपालमार्फत झापा जिल्लामा रहेको क्वारेन्टाइनमा क्रमिक रुपले खाद्य सामाग्री वितरण गर्दै आएको छ । बैंकले सहारा नेपालको नेतृत्वमा रहेका विविन्न संस्थालाई एक हजार किलो खाद्य हस्तान्तरण गरेको छ । हिजो बुधवार चन्द्रगढी शाखाका शाखा प्रमुख उशितपा पाण्डेले सहारा नेपाल संस्थाका कार्यकारी प्रमुख महेन्द्रकुमार गिरीलाई सो खाद्य सामाग्री हस्तान्तरण गरिएको थियो ।

कोरोनाको प्रकोपलाई फैलन नदिने र क्वारेन्टाइन व्यवस्थापन लगायतका लागी आफ्नो संस्थागत सामाजिक उत्तरदायित्व अन्तर्गत उक्त सहयोग गरेको बैंकले जनाएको छ । लकडाउनको यस विषम परिस्थितिमा पनि बैंकले आफ्ना ग्राहकहरुलाई आफ्ना शाखा र एटिएम मार्फत निरन्तर बैंकइङ सुविधा प्रदान गरी रहेको छ ।