प्रदेश ५ : ११ प्रदेश सांसदको कोरोना रिर्पोट पोजेटिभ !

८ जेठ, काठमाडौं । प्रदेश ५ का प्रदेश सांसदको कोरोना रिर्पोट पोजेटिभ आएको छ । आरडीटी विधिबाट प्रदेशसभा सदस्य, सुरक्षाकर्मी र कर्मचारी गरी ३९८ जनाको परीक्षण गरिएकामा ११ जनाको रिपोर्ट पोजेटिभ आएको प्रदेशसभा सचिवालयका प्रवक्ता श्यामप्रसाद श्रेष्ठले जानकारी दिए ।

आरडीटी पोजेटिभ देखिएकाहरुको पीसीआर परीक्षणका लागि नमुना नेपालगञ्ज पठाइएको छ । शुक्रबारदेखि प्रदेशसभाको छैटौँ अधिवेशन शुरु हुने भएकाले सुरक्षा सतर्कताका लागि कोरोना परीक्षण गरिएको प्रदेशसभा सचिवालयले जनाएको छ ।

प्रदेशसभाको नियमावलीबमोजिम प्रदेश प्रमुख धर्मनाथ यादवले शुक्रबार अपराह्न १ बजेका लागि प्रदेशसभाको बैठक आह्वान गरेका छन । तर आरडीटीमा कोरोना परीक्षण रिर्पोट पोजेटिभ आएपछि सांसद आत्तिएका छन ।