“म बचे हाम्रो परिवार बच्छ, परिवार बचे पो समाज बच्छ”
![नेपालबहस संवाददाता](
https://nepalbahas.prixacdn.net/media/albums/NB_E0Qh2H6kyW.jpeg
)
नेपालबहस संवाददाता
जेठ ९, २०७७ शुक्रबार २१:१६:५१
![](https://nepalbahas.prixacdn.net/media/albums/coronavirus-1_O2k54ol7aY.jpg)
◊ हीरालाल गुरुङ
९ जेठ, मुग्लिन । “म बचे हाम्रो परिवार बच्छ, परिवार बचे पो समाज बच्छ” भन्दै एक युवक कोरोनाविरुद्ध मैदानमा ओर्लिएका छन् । जनतालाई घर–घरमा बस्न भनेर कोरोनाविरुद्ध सचेतना फैलाउँदै हिँड्ने ती युवक हुन्, चितवनको इच्छाकामना– ५ शान्ति बजारका हेमलाल श्रेष्ठ ।
उनी बिहानदेखि बेलुकासम्म विभिन्न स्थानमा पुगेर कोरोना सङ्क्रमणविरुद्ध सचेतना जगाउने कार्यमा खटिरहेका छन् । बिहीबार बिहान मुग्लिन बजारमा माइकिङ गर्दै एक्कासि एउटा पल्सर बाइक देखाप¥यो । घरमै बसेर कोरोनासम्बन्धी जानकारी माइकिङबाट सुन्न पाएपछि स्थानीयवासी दङ्ग परे । माइकिङमा कोरोना सङ्क्रमणबारे जनचेतनामूलक सूचना सन्देश प्रसारण भइरहेको थियो । यो सुनेर स्थानीयवासी घरबाटै कोही चाख मानेर सुनिरहेका थिए भने कोही अचम्म मानेर हेरिरहेका थिए ।
श्रेष्ठले बिहीबार दिनभर आफ्नै व्यक्तिगत खर्चमा चितवनको इच्छाकामना गाउँपालिकाभित्रका राजमार्गका मुख्य क्षेत्र रिग्दीखोलादेखि मौवाखोलासम्मका सम्पूर्ण राजमार्ग र भित्री सडकका साथै तनहुँको आँबुखैरेनी गाउँपालिका–४ का पुलजीप, अन्नपूर्ण, बेनिटार, शाखरलगायत क्षेत्रमा कोरोना भाइरसविरुद्ध जनचेतनामूलक सूचना सन्देश प्रसारण गर्दै माइकिङ गरेका थिए । अहिले उनको यो कार्यको चौतर्फी प्रशंसा भएको छ ।
चितवनको इच्छाकामना–५ मा रहेको शान्ति बजार टोल विकास संस्थाका अध्यक्षसमेत रहेका हेमलाल श्रेष्ठ गाडी चालक पनि हुन ।
कोरोना भाइरसबारे मानिस सचेत हुनुको सट्टा झन भीडभाड गर्दै असावधानी अपनाउन थालेकाले आफूले समाजमा चेतना फैलाउनका लागि सानो प्रयास गरेको श्रेष्ठले बताए । उनले भने, “समाजलाई कोरोना सङ्क्रमणबारे धेरथोर चेतना जगाउन सकिन्छ भनेर मैले यो काम गरेको हुँ, भीडभाड नहुने गरी लकडाउनमा रहेका नागरिकलाई घरमै बस्नका लागि कोरोनासम्बन्धी सचेतना पु¥याउने प्रयत्न मेरो हो ।”
“हामीले माइकिङ्ग गरेर जनचेतना फैलाइरहेका छौं”, श्रेष्ठले भने, “धेरै मानिस भिडभाड हुन नदिनका लागि लकडाउन पालन गर्न सूचनाहरु प्रवाह गरिरहेका छौं ।” “अरूलाई घरभित्र बस्नुस् भन्दै कोरोना रोकथामका लागि मैदानमा आएका छौं”, उनले भने, “अहिलेको मुख्य काम सङ्क्रमणबाट आम नागरिकलाई बचाउनु हो । यसैका लागि जोखिम मोलेर काम गरिरहेका छौं ।” गाउँपालिकालाई जानकारी गराएर आफैँले व्यक्तिगतरुपमा खर्च गरी माइकिङ गरिएको उनको भनाइ छ ।
श्रेष्ठले गरेको यो कामको प्रशंसा गर्दै निःस्वार्थरुपमा जनतामा चेतना फैलाउने काम गरेकामा इच्छाकामना गाउँपालिका उपाध्यक्ष कृतिकुमार श्रेष्ठले धन्यवाद दिए । कोरोनाविरुद्ध लड्न सबै नागरिकले आ–आफ्नो तर्फबाट सकेको सहयोग गर्नुपर्ने उनको भनाइ छ ।
चितवनको इच्छाकामना–५ मा रहेको शान्ति बजार टोल विकास संस्थाका अध्यक्षसमेत रहेका हेमलाल श्रेष्ठ गाडी चालक पनि हुन । कुनैबेला गाडी चलाउँदै गर्दा सडकमा बोरामा पैसा भेटाएर प्रहरीमार्फत पैसा धनीलाई बुझाई इमान्दारितासमेत प्रस्तुत गरेका श्रेष्ठको त्यसबेला पनि निकै चर्चा भएको थियो । रासस
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमजदुर आन्दोलनका कारण प्राइभेट पेट्रोल पम्प बन्द, सरकारी पम्पमा थेगिनसक्नु लाइन
असार ३, २०८१ सोमबार
देशभरका मस्जिदमा बकर इदको रौनक: फोटोफिचर
असार ३, २०८१ सोमबार
सास्तीमा छन् निसेलढोरवासी
असार २, २०८१ आइतबार
त्रिपाठीको कुलपूजामा प्राज्ञ डा. जगमान गुरुङ प्रमुख अतिथि
विनोद त्रिपाठी
असार २, २०८१ आइतबार
नेपालको हारले फ्यानका आँखामा आँसु, टुट्यो सुपर–८ को सपना !
नेपालबहस संवाददाता
असार १, २०८१ शनिबार
सन्दीपको सय विकेट, शतक पूरा गर्ने दोस्रो बलरको कीर्तिमान
असार ३, २०८१ सोमबार
दार्जिलिङ रेल दुर्घटना : मृत्यु हुनेको संख्या १५ पुग्यो
असार ३, २०८१ सोमबार
टीम इन्डियाले सुपर-८ खेलमा कुन कुन टिमसँग भिड्दैछ ?
असार ३, २०८१ सोमबार
मनसुन देशभर फैलन अझै साता दिन लाग्ने !
असार ३, २०८१ सोमबार
सशस्त्र प्रहरीमा दुई डीआईजीलाई स्पष्टीकरण !
असार ३, २०८१ सोमबार
यसवर्षको मनसुनबाट कोशीमा एक लाखभन्दा बढी घरधुरी प्रभावित हुने आकलन
असार ३, २०८१ सोमबार
काठमाडौंमा ‘कनेक्टिङ कर्णाली’ सम्पन्न
असार ३, २०८१ सोमबार
लहानका बस्तीमा डकैतीको अफवाह नफैलाउन र भ्रममा नपर्न प्रहरीको आग्रह
असार ३, २०८१ सोमबार
राष्ट्रपति पौडेल र जर्मनीका समकक्षी स्टाइनमायरबीच भेटवार्ता
असार ३, २०८१ सोमबार