तेस्रो कोरोना मृत्तकको शव जंगलमा गाडियो !

९ जेठ, बुटवल । तेस्रो कोरोना मृत्तकको शव जंगलमा गाडिएको छ । गुल्मी घर भई रुपन्देहीमा मृत्यु भएका मृत्तको शब शुक्रबार जंगलमा गाडिएको हो । नेपाली सेनाको स्वास्थ्य प्राविधिक टोलीले मृत्यु भएको ३१ घण्टापछि अस्पतालबाट शब निकालेर शुक्रबार दिउँसो बुटवल धागो कारखाना पूर्वतर्फको जंगलमा गाडेको जनाएको छ ।

मृतकको शव बिहीबार नै तिलोत्तमा नगरपालिकाको वडा नं ३ स्थित मगरघाटमा जलाएर व्यवस्थापन गर्ने तयारी थियो । तर स्थानीयले विरोध गरे । त्यसपछि तिलोत्तमाकै वडा नं १४ अमुवा पुल नजिक व्यवस्थापन गर्ने तयारी शुरु भयो । त्यहाँ पनि स्थानीयले विरोध जनाइरहे ।

अन्त: विरोध भएपछि स्थानीय प्रशासनले कोरोना विशेष अस्पताल रहेको बुटवल धागो कारखानाको पूर्वतर्फको जङ्गल क्षेत्रमा लगेर शव गाडेको जिल्ला प्रशासन कार्यालय रुपन्देहीले जनाएको छ ।

मृत्तकका आफन्तले आफूहरुले क्षतिपूर्ति नपाएसम्म शब गाड्न नदिने माग गर्दै आएका थिए । कोरोना संक्रमण पुष्टि भएपछि डाक्टरले बिरामीलाई नेहर्दा मृत्यु भएको आफन्तको आरोप छ ।  शबबाट थप संक्रमणको जोखिम बढेपछि शब गाड्न दिइएको आफन्तले बताएका छन । यद्यपी आफूहरुको माग पूरा नभएसम्म अस्पतालमा धर्ना नछाड्ने उनीहरुको भनाई छ ।