हिमानी कोषले बाँड्यो स्वास्थ उपकरण

१० जेठ, काठमाडौं । कोरोनाभाइरस संक्रमणले देश थलापरेको बेला हिमानी कोष भने नागरिकको स्वास्थ रक्षाका लागि सहयोग वितरणमा जुटिरहेको छ । सामाजिक सेवाका क्षेत्रमा लामो समयदेखि सकृय कोषले पछिल्लोपटक कोरोनासँग फ्रण्टलाइनमा काम गर्ने चिकित्सकका लागि आवश्यक स्वास्थ उपकरण वितरण गरेको छ ।

नेपाल चिकित्सक संघसँगको सहकार्यमा कोषले ४८ थान थर्मल गन, पाँच हजार थान केएन ९५ मास्क, २४ सय पिस सेनिटाइजर लगायतका सामग्री देशैभरिका स्वास्थकर्मीहरुलाई वितरण गर्ने गरी हस्तान्तरण गरिएको छ । संघका अध्यक्ष डा. लोचन कार्कीलाई वितरण गरिएको उक्त सामग्री आवश्यकता अनुसार वितरण गरिने जानकारी दिइएकोछ ।

साथै, हिमानी कोष र नेपाल मेडिकल एशोसियसनबीच स्वास्थ्य सेवालाई योगदान गर्न दिर्घकालिनरुपमा सहकार्य गर्नेसमेत तयारी थालिएकाे छ । सहकार्यका बिषयहरु तय गरी केही समय भित्रै कार्ययोजना ल्याउने दुवै संस्थाले बताएका छन् । काेषले यि स्वास्थ सामाग्रि गत जेठ ५ गते एशाेसिएसनलाई हस्तान्तरणा गरेकाे हाे ।