लायन्स क्लब इन्टरनेशनल ३२५ ए २ को गभर्नरमा डा. शुशिला मल्ल निर्वाचित

१० जेठ, काठमाडौं । लायन्स क्लब इन्टरनेशनल डिस्ट्रिक ३२५ ए २ को बैठक जुममार्फत बसिरहेको छ । लायन्सको आठौं वार्षिक अधिवेशनले आज नै आगामी नेतृत्वको लागि चुनाव गरेकाे छ । काेराेना कहरकाबीच बैठक डिस्ट्रिक गभर्नर शोभा जोशीले संचालन गरिरहेकी छिन् । बैठकमा लायन्सका ५०० जनाभन्दा धेरै सदस्यहरु जोडिएका छन् ।

बिहान ९ः३० बाट सुरु भएको बैठकबाट नै भोटिङसम्मको प्रक्रिय पुरा गरेर दिउँसो ३ बजेसम्ममा बैठक सम्पन्न हुने जनाइएकाे छ । बैठक सौहार्दपूर्ण तरिकाले चलिरहेको छ । यस बैठकले आगामी वर्ष २०२०/२१ को लागि तीनजना डिष्ट्रिक गभर्नरको चुनाव गर्ने भएको छ । उम्मेद्वार धेरै नभएपनि लायन्सको विधान अनुसार हुन्छ (एस) वा हुन्न (नो) भन्ने मत अनिर्वाय गर्नुपर्ने छ ।

डिजिटल प्रणालीबाट हुने भोटमा २०२०/२१ को लागि लायन डा. शुशिला मल्ल गभर्नरको लागि, फर्स्ट भीडीजी लायन डिष्ट्रिक गभर्नरका लागि डा.केशव पाण्डे  र सेकेन्ड भीडीजी लायन डिष्ट्रिक गभर्नरका लागि लायन दिनेश श्रेष्ठ निर्वाचित भएका छन् । त्यस्तै मनोनित तर्फ डिष्ट्रिक सचिवमा लायन उत्तम झा, डिष्ट्रिक कोषध्यक्षमा लायन कमल कायस्थ र प्रमुख सल्लाहकारमा शिव कटुवाल मनोनित भएका छन् । चुनाव निर्विरोध भएको लायन्स क्लब काठमाडौं युनिकका सचिव लायन्स गणेश केसीले नेपालबहस डटकमलाई जानकारी दिए ।