कोरोना जितेका ९ जना नारायणी अस्पतालबाट डिस्चार्ज

१० जेठ, काठमाडौं । पर्साको वीरगञ्जस्थित नारायणी अस्पतालमा उपचारारत ९ जनाले कोरोना भाइरससँगको लडाई जितेका छन । ७१ जना संक्रमितको उपचार भइरहेको नारायणी अस्पतालबाट कोरोना जितेका ९ जना शनिबार दिउँसो डिस्चार्ज भएका हुन ।

डिस्चार्ज हुनेहरुमा पर्सा र रौतहटका तीन तीन कजना, बाराका दुई जना र एक जना भारतीय नागरिक रहेका अस्पतालले जनाएको छ । उनीहरुको पछिल्लो रिर्पोट नेगेटिभ आएको थियो ।

शनिबार ९ जना डिस्चार्ज भएसँगै नारायणी अस्पतालमा उपचाररत संक्रमितको संख्या ६२ रहेको छ । अन्य २५ जना संक्रमित भने गण्डक कोभिड अस्पतालमा उपचाररत छन् । पछिल्लो समय संक्रमितको संख्या सँगै कोरोना जितेर घर फर्किनेको संख्या पनि बढ्दो छ ।