थप ७ जनामा कोरोनाकाे पुष्टि, संक्रमितको संख्या ५ सय ९१ पुग्यो

काठमाडौं । रुपन्देही, कपिलवस्तु र गुल्मीमा थप ७ जनालाई कोरोना संक्रमण पुष्टि भएको छ । प्रदेश जनस्वास्थ्य प्रयोगशाला भैरहवामा भएको परीक्षणमा प्रदेश ५ का रुपन्देहीको गैडहवामा ३, कपिलवस्तुका ३ र गुल्मी मदाने गाउँपालिकाका एक जना गरी ७ जनामा कोरोना संक्रमण पुष्टि भएको हो ।

यससँगै नेपालमा कोरोना संक्रमितको संख्या ५ सय ९१ पुगेको छ । यसअघि बिहान मात्रै ३२ जना र दिउँसो थप ३६ जनामा संक्रमण देखिएको थियो । बेलुकी फेरि ७ जनामा संक्रमण पुष्टि भएपछि संक्रमितको संख्या झण्डै ६ सय नजिक पुगेको छ ।

यसमध्ये अहिलेसम्म ७० जना निको भएर उपचारपछि घर फर्किएका छन भने बाँकीको विभिन्न अस्पतालमा उपचार भइरहेको छ । तीन जनाको भने ज्यानै गएको छ ।