आइसोलेसनबाट कोरोना संक्रमित फरार, जनकपुर क्षेत्रमा त्रास

११ जेठ, काठमाडौं । जनकपुर अस्पतालको आइसोलेसनबाट एक कोरोना संक्रमित भागेका छन् । अस्पतालको आइसोलेसन कक्षमा राखिएका ४० वर्षीय कोरोना संक्रमित आइतबार बिहान भागेका हुन् ।

संक्रमित फरार भएपछि अहिले जनकपुर क्षेत्रमा त्रास छाएको छ । संक्रमित अस्पतालबाट फरार भएपछि उनको खोजी भैइरहेको प्रदेश २ प्रहरीले जनाएको छ ।

अस्पतालका अनुसार, उनी मानसिक रोगी हुन् । यसअघि पनि उनले पटक–पटक अस्पतालको आइसोलेसनबाट भाग्ने प्रयास गरेका थिए ।

अहिले विशेष कोभिड अस्पतालको आइसोलेसनमा सर्लाही, महोत्तरी, धनुषा र सिरहाका कोरोना संक्रमितहरुको उपचार भइरहेको छ ।