कांग्रेसद्धारा रामेछाप नगरपालिकालाई स्वास्थ सामाग्री

१२ जेठ, काठमाडाैं । नेपाली कांग्रेस रामेछाप काठमाडौं सम्पर्क समितिले रामेछाप नगरपालिकालाई स्वास्थ्य सामाग्री सहयोग गरेको छ । विभिन्न मेडिसिनका साथमा समितिले छापेको २०७७ सालको भित्तेपात्रो पनि जिल्ला पठाउन लागिएको नेविसंघ पुर्व केन्द्रिय सदस्य रत्नहरी ढुंगेलले जानकारी दिए ।

कोभिड महामारीसँग लड्न नगरवासीलाई सहयोग पुगोस् भनि सर्जिकल गोल्ब्स ४५० पिस , सेनिटाइजर १२० पिस , मेडिकल माक्स ४५० पिस लगाएत ब्रुसेट , पारासिटामोल निको , भिटामिन बी सिरफ , एच लक १५० , बच्चाका लागि प्रयोग हुने पारासिटामोल जस्ता प्राथमिक मेडिसिनहरु पठाइएको सम्पर्क समिति सभापति राजनारायण श्रेष्ठले बताए ।

उक्त सामाग्री नेपाल महिला संघकी केन्द्रिय सदस्य भद्रा भण्डारी , समाजसेवी शम्भु घिमिरे र रामेछापका तरुण नेता एवं व्यावसायि कृष्ण तिमल्सिनाको सहयोगमा उपलब्ध भएको समितिका सचीव सुकदेव खड्काले जानकारी दिए ।

उपसभापति प्रदिप बस्नेतका अनुसार केही दिनभित्र सम्पर्क समितिले रामेछाप जिल्लाका सबै पालिकामा स्वास्थ्य सामाग्री पठाउने तयारी गरेको छ ।  समितिले यस अघि पनि जिल्लाका सबै पालिकामा पीपीई सेट , सर्जिकल माक्स लगाएका सामाग्री उपलब्ध गराएको थियो ।