ह्याकरहरु साइबर आक्रमणको तयारीमा

१२ जेठ, काठमाडौं । सामान्य रुपमा भन्नु पर्दा कुनै ह्याकर एउटा यस्तो व्यक्ति हुन्छ जो सामान्यत प्रशासकीय नियन्त्रणसम्म पुगेर कम्प्युटर सुरक्षा प्रणालीलाई तोड्छ । ह्याकर्स शब्दको अर्थ प्रायजसो कम्प्युटरसँग सम्बन्धित हुन्छ । यिनीहरु अवैध माध्यमको प्रयोगप्रति लापरवाह हुन्छन र यिनीहरुको उपज राजनीतिक अथवा सामाजिक कारणले हुन्छ भनि अड्कल गरिएको छ ।

कालापानी र लिपुलेक क्षेत्र समेटेर नेपालले नयाँ नक्सा जारी गरेपछि भारतीय सञ्चार माध्यममा यो विषयले निकै प्राथमिकता पाएको छ । भारतको रिपब्लिक टीभीका अर्नव ग्वोस्वामीले ‘द डिबेट’ कार्यक्रममा नेपाललाई होच्याउने शब्दको प्रयोग गरेर पाठ सिकाउन खोजेको भन्दै नेपालमा आलोचनासमेत भईरहेको छ ।

एप्लिकेशन प्रोग्रामिङ इन्टरफेस (एपीआई) यस्तो कोड हो, जसको प्रयोगबाट सम्बन्धित पक्षको प्रणालीसम्म पहुँच बनाउन सकिन्छ । एक एप्लिकेशन वा सिस्टमबाट अर्कोमा ‘संवाद’ गर्नलाई यो कोडको प्रयोग हुन्छ । जस्तै, नेपाली ह्याकरले सार्वजनिक गरेको एपीआई कोडमार्फत उसले फेसबुक लाइभ गरिदिन सक्छ । यद्यपि, यो कोडको प्रकृतिमा भर पर्ने कुरा हो ।

यसैबीच, ट्वीटरमा satan_cyber_god_ नामक ह्याण्डलबाट सक्रिय नेपाली ह्याकरले यसलाई नेपालको वनस्पती अनुसन्धान केन्द्र बाँकेको वेवसाइटमा भारतीय ह्याकरको अनाधिकृत प्रवेशको प्रक्रिया शुरु गरेका छन् । बढ्दो साइबर आक्रमणलाई ध्यानमा राखेर सरकारले ०७४ साल जेठ २४ साइबर ब्युरो स्थापना गर्ने निर्णय गरेको थियो । तर अहिलेसम्म साइबर आक्रमणका गम्भिर घटनामा प्रहरीले खासै उपलब्धि हाँसिल गर्न सकेको छैन् ।

तेसो त ब्युरोलाई सामाजिक सञ्जालमा सरकारको विरोध गर्ने व्यक्तिहरु समाउँदै ठिक्क छ । पछिल्लो समय सरकार विरोधी टिप्पणी गरेको अभियोगमा पूर्वसचिव भीम उपाध्याय ब्युरोको फन्दामा परे । नेकपा अध्यक्ष पुष्पकमल दाहाल ‘प्रचण्ड’लाई गाली गर्दा पत्रकार दीपक पाठक पक्राउ परे ।

प्रहरी प्रशासनको उदासिनताका बीच फुडमाण्डु, भायानेट लगायतको विवरण सार्वजनिक गर्ने ह्याकर सतन अहिले भारततिर लागेका छन् । र, सर्वसाधारणले प्रहरीमा आफूलाई रिपोर्ट गरिरहेको समेत उल्लेख गर्दै अघि बढ्न खुला चुनौति दिइरहेका छन् । सरकार जति कमजोर छ, त्यति नै साइबर क्षेत्रमा पनि कमजोर रहेको छ ।