सप्तरीमा थप २ जनामा कोरोनाको पुष्टि, संक्रमितकाे संख्या चार पुग्यो

◊ धीरुभाइ

१२, जेठ सप्तरी । सप्तरीमा सोमबार थप दुई जना पुरुषमा कोरोना संक्रमण भएको छ । यससँगै जिल्लामा कोरोना भाइरस (कोभिड १९) संक्रमितको संख्या चार पुगेको छ । तीमध्ये तीन जना एउटै नगरपालिकाका संक्रमितहरु छन ।धरान स्थित वीपी कोइराला स्वास्थ्य विज्ञान प्रतिष्ठान घोपामा उनीहरुको स्वाब परीक्षण गर्दा संक्रमण पुष्टि भएको हो ।

आज सोमबार जिल्लाको डाक्नेश्वरी नगरपालिका वार्ड नम्बर ४ भुतही र वार्ड नम्बर ८ प्रबाहामा एक-एक जना कोरोना संक्रमित भएको पुष्टि गरेको छ । उनीहरुको उमेर २२ र ३५ वर्षका छन । राजविराज स्थित गजेन्द्र नारायण सिंह अस्पतालको आइसोलेशन वार्डमा सोमबारै संक्रमित दुबै जनालाई भर्ना गरिएको अस्पतालका मेडिकल सुपरिटेन्डेन्ट डा. चुमनलाल दासले जानकारी दिए ।

उनीहरुको याताबृतान्तको बारेमा सोधपुछ, कन्ट्याक्ट ट्रेसिङ्ग भइरहेको उनले संक्रमितहरु भारतको संक्रमित स्थानबाट मजदुरी गरी आएको प्रारम्भिक सोधपुछमा थाहा भएको बताए । पूरा सोधपुछ, ट्रेसिङ्ग भएपछि मात्र थप कुरा बताउन सकिने बताएको छ । बैशाख २९ गते पहिलो सोही डाक्नेश्वरी नगरपालिका वार्ड नम्बर ३ हटेलमा एक युवक सक्रमित भएको छ ।

आइसोलेशमा उपचारत उनको दोस्रो पीसीआर परीक्षणको लागि आइतबार स्वाब संकलन गरी पठाइएको अस्पतालले जनाएको छ । त्यस्तै दोस्रो, गत जेठ ९ गते जिल्लाको बलानबिहुल गाउँपालिका ४ बेलहीमा एक मजदुरमा कोरोना पुष्टि भएको छ । उनको पनि आइसोलेशनमा उपचार भइरहेको छ ।

पहिलो संक्रमित चितवनबाट मजदुरी गरी घर फर्किने क्रममा पर्साको खैरहनी स्थित मस्जिदमा नवाज पढ्ने क्रममा संक्रमित भएको थियो भने दोस्रो भारतको हरियाणाबाट मजदुरी गरी फर्किएका व्यक्ति हुन ।