सवारीले ठक्कर दिदा एक अपरिचित पुरुषको मृत्यु

◊ धीरुभाइ

१२ जेठ, सप्तरी । सप्तरीको अग्निसाईर कृष्णासवरण गाउँपालिका १ जण्डोल स्थित सवारीको ठक्करबाट सोमबार एक अपरिचित पुरुषको मृत्यु भएको छ ।

पूर्व पश्चिम लोक राजमार्ग अन्तर्गत सो स्थानमा नाम र नम्बर नखुलेको सवारी साधनले ठक्कर दिदा पहिचान खुल्न नसकेको करिब २० वर्षीय पुरुषको मृत्यु भएको जिल्ला प्रहरी कार्यालय सप्तरीले जनाएको छ ।

जिल्ला प्रहरी कार्यालय सप्तरीका प्रहरी प्रवक्ता प्रहरी नायब उपरीक्षक तिलक भारतीका अनुसार गएराती ठक्करबाट गम्भिर घाइते उनको राजविराज स्थित गजेन्द्र नारायण सिंह अस्पतालमा उपचारको क्रममा सोमबार मृत्यु भएको हो ।

मृतक पातालो कालो बर्ण तराईवासी जस्तो देखिने कालो जिन्स पाइन्ट, सेतो फुल बाउला भएको सर्ट लगाएको उनको उचाई पाँच फिट तीन इन्च पुरुष भएको बताए । यता घटनामा संलग्न सवारी साधन र चालकको खोज तलास तथा घटनाको सम्बन्धमा अन्य अनुसन्धान कार्य भइरहेको प्रहरीले बताए ।