ओलीद्वारा सर्वदलीय बैठक आह्वान

१३ जेठ, काठमाडौं । प्रधानमन्त्री केपी ओलीले आज साँझ सर्वदलीय बैठक आह्वान गरेका छन् । साँझ ५ बजे बोलाइएको सर्वदलीय बैठकमा संघीय संसद्मा प्रतिनिधित्व गर्ने दलका नेताहरुलाई आमत्रण गरिएको जानकारी प्रधानमन्त्रीका प्रेस सल्लाहकार सूर्य थापाले दिएका छन् ।

सरकारले संसद्मा दर्ता गराएको सविधान संशोधनको विषयमा नै छलफल केन्द्रित गरिने पनि उनले बताए । साथै, कोरोना नियन्त्रणमा सरकारले लिएको रणनीतिबारे पनि छलफल हुनसक्ने उनले स्पष्ट गरेका छन् । खास अजेण्डा चाहिं संविधान संशोधन नै हो– प्रेस सल्लाहकार थापाले भने । सरकारले आफूखुसी संविधान संशोधन प्रस्ताव दर्ता गराएको भन्दै आलोचना भइरहेको थियो ।