हल्लाकै भरमा स्थानीय तह शिल नगर्न मन्त्रालयको आग्रह

१३ जेठ, काठमाडौं । विश्वव्यापी फैलिएको कोरोना भाइरस नियन्त्रण तथा रोकथामका लागी सरकारले लागु गरेको लकडाउन जारी छ । तर कोरोना संक्रमितको संख्या हप्ता दिनमै झण्डै दोब्बरले वुद्धि भएको छ ।

पछिल्लो समय संक्रमितको पूर्ण विवरण यकिन नहुँदै हल्लाकै भरमा स्थानीय तह तथा समुदाय शिल गर्ने प्रवृत्ति बढेपछि स्वास्थ्य मन्त्रालयले हतारमा निर्णय नलिने अनुरोध गरेको छ ।

स्वास्थ्य तथा जनसंख्या मन्त्रालयका प्रवक्ता डा. विकास देवकोटाले हतारमा यस्तो निर्णय लिन जरुरी छैन । संक्रमितबारे इपिडिमियोलोजी र प्रदेश सरकारबाट जानकारी आएपछि मात्रै शिल गर्नुहोला भनि बताए ।

कोरोना परीक्षणका लागि नमुना दिँदा आफ्नो अस्थायी र स्थायी ठेगाना उपलब्ध गराउन पनि स्वास्थ्य मन्त्रालयले आग्रह गरेको छ । परीक्षण गराउनेको पूर्ण विवरण नहुँदा संक्रमितको अस्थायी र स्थायी ठेगानाबारे अन्योल बढेको भन्दै स्वास्थ्यले पूर्ण विवरण पेस गर्न आग्रह गरेको हो ।